| 個案分享：三無大廈，維修有得辦！ |
|
| |
除了個別單位個案，屋宇署也會命令大廈業主共同負責維修渠管。無奈一些三無大廈，業主之間互不相識，欠缺人手籌劃，一時難以集資做工程，CFSC駐屋宇署支援服務隊此時就會發揮作用。
由聯絡眾業主，讓他們互相認識，繼而協助組織業主會議，替業主邀請民政事務處主任親身講解如何成立業主立案法團，並以法團名義申請維修資助。經過業主們兩個月的努力互助，終於在一次會議中一致通過成立業主立案法團，並順利選出委員組成法團。
現時業主們已經可以自行運作法團處理大廈日常事務，並正申請資助維修公用渠管中，為大廈管理邁出重要一步。 | |
頁首
|
| 個案分享：長者換鐵閘？一啲都唔簡單！ |
|
| |
80歲的林婆婆同90歲丈夫，係住喺大角咀64年樓齡嘅舊樓業主，佢哋早前收到屋宇署發出的維修令，要求更換鐵閘。聽起來好似很簡單嘅工程，但對林婆婆來說並唔容易，每日都經歷徬徨無助的心情，心理壓力特別大。
CFSC駐屋宇署支援服務隊收到林婆婆的個案轉介後，便家訪兩老。婆婆話：「伯爺公行唔到，我眼又朦耳又聾，都唔知點做好……仲會俾人告，好驚呀，瞓唔到覺添，唉……」
聽到林婆婆嘅擔憂後，為幫助佢理解，社工就仔細地解釋維修令的內容同點樣處理。同時亦陪伴林婆婆找工程報價。得悉他們未能負擔昂貴的維修費，社工便替兩老申請市建局的維修資助，一步步帶領他們處理命令。幸好最後能成功申請全額維修資助及順利完成工程，林婆婆終於可以放下心頭大石，瞓返個好覺啦！ | |
頁首
|
| 個案分享：因為堅持，所以看見希望 |
|
| |
以為換窗好簡單？對80歲嘅獨居長者英叔嚟講，就一啲都唔容易啦！
英叔屋企樓齡差不多30年啦，窗戶日久失修，已經有鬆脫嘅危險，佢好擔心隨時整到其他人，咁啱又收到屋宇署嘅驗窗通知，佢徬徨咁話：「我得份綜援，每月扣除生活開支都所剩無幾，又無親友幫到手，都唔知點算……」
CFSC駐屋宇署支援服務隊 明白英叔嘅擔憂，幫佢手聯絡驗窗公司報價，再一齊了解唔同基金嘅申請條件，因為坊間好多基金都有唔同限制。好彩皇天不負有心人，最後英叔獲一個基金資助維修全屋窗戶！
常言道：「不是因為看到希望才去堅持，而是因為堅持才看到希望。」我哋同英叔嘅堅持，換來嘅，除咗係安全嘅窗戶，仲有英叔一顆安穩嘅心。
如對上述內容感興趣，歡迎瀏覽CFSC Facebook:
https://www.facebook.com/watch/?v=487876481779514 | |
頁首
|
| 個案分享：大廈要維修 齊心就事成！ |
|
| |
蔡先生喺東區一棟樓齡超過50年嘅舊樓住，業主都係年老嘅長者，業主立案法團亦欠缺大廈維修經驗，導致大廈開始日久失修。
屋宇署早前通知法團需要進行樓宇檢驗同維修，身為法團秘書嘅蔡先生形容︰「大家都好徬徨㗎，程序係點、需要辦咩手續、交咩文件通通都唔識……」。
CFSC駐屋宇署支援服務隊就係法團會議中解釋大廈維修嘅程序、介紹資助內容、協助佢哋審視招標文件，同埋擔當法團同有關部門之間嘅橋樑。大廈依家已經順利完成樓宇檢驗，正等待開展維修。
蔡先生相信「齊心就事成！」，由迷茫到漸上軌道，絕對係業主之間共同努力嘅成果！
如對上述內容感興趣，歡迎瀏覽CFSC Facebook:
https://www.facebook.com/watch/?v=440548010081212 | |
頁首
|
