過往活動

正所謂「遠親不如近鄰」，左鄰右里能夠互相照應，社區都會和諧啲。基督教家庭服務中心舉辦「屋邨好鄰居嘉許禮2012」，頒獎予獲選嘅好鄰居以示嘉許，嚟自天水圍嘅Shafi，人稱「德哥」，係第四代居港嘅巴基斯坦籍人士，佢喺香港土生土長，曾經做過教師，又做過餐廳經理，但最令人熟悉嘅係「德哥」成為全港 首位少數族裔人士擔任公共屋邨互委員會嘅主席。

衣櫃下救歲半女孩
諗番起十年前由大埔搬到天水圍，「德哥」當初真係人生路不熟，但依家佢做咗同鄉嘅響導，每當有鄉里搬入天水圍，「德哥」都會主動上門協助講解社區設施，同埋幫鄉里填申請表，甚至陪同到政府部門做翻譯，真係唔話得。

至於另一位獲獎嘅好鄰居吳修錦伯伯，喺舊年6月嘅一個早上，正喺家中練習書法，驚聞鄰居陳太家中一個大型衣櫃倒塌，將陳太和她一歲半嘅女兒壓 住，陳太推唔郁幾百磅重嘅大櫃，吳伯趕至發力抬起大櫃，讓陳太拉出女兒，送院檢查猶幸只是皮外傷。佢話睇住個細路女一日一日長大，牙牙學語，真係最佳嘅回報。