過往活動

正 所谓「远亲不如近邻」，左邻右里能够互相照应，小区都会和谐啲。基督教家庭服务中心举办「屋邨好邻居嘉许礼2012」，颁奖予获选嘅好邻居以示嘉许，嚟自 天水围嘅Shafi，人称「德哥」，系第四代居港嘅巴基斯坦籍人士，佢喺香港土生土长，曾经做过教师，又做过餐厅经理，但最令人熟悉嘅系「德哥」成为全港 首位少数族裔人士担任公共屋邨互委员会嘅主席。

衣柜下救岁半女孩
谂番起十年前由大埔搬到天水围，「德哥」当初真系人生路不熟，但依家佢做咗同乡嘅响导，每当有乡里搬入天水围，「德哥」都会主动上门协助讲解小区设施，同埋帮乡里填申请表，甚至陪同到政府部门做翻译，真系唔话得。

至于另一位获奖嘅好邻居吴修锦伯伯，喺旧年6月嘅一个早上，正喺家中练习书法，惊闻邻居陈太家中一个大型衣柜倒塌，将陈太和她一岁半嘅女儿压 住，陈太推唔郁几百磅重嘅大柜，吴伯赶至发力抬起大柜，让陈太拉出女儿，送院检查犹幸只是皮外伤。佢话睇住个小女孩一日一日长大，牙牙学语，真系最佳嘅回报。