過往活動

媒体报导： 非常家人疫境守护老友记 送饭陪诊无间断

2020/04/23

夺命疫情袭港多月，初期长者通宵排队撲口罩惨况历历在目，社区人人自救。当疫厦一栋栋增加，一众从事社区照顾服务者仍甘冒风险，非常时期继续上门提供紧急服务，包括社区护士为独居或无人照顾的长者洗肾洗伤口，健康助理每日将热腾腾饭餸速递到家，默默燃亮社区角落。无论逆境还是疫境，且听两位非一般的家人，如何与老友记共渡难关。

「认唔认得我呀？黄姑娘呀认唔认得？」註册护士黄慈萍，约十年前转投社区照顾服务，在基督教家庭服务中心工作已有10年，主要跟进社会福利署转介个案，现时共跟进约70个个案。采访当日，黄姑娘上门探访出院多日的文莲婆婆，以温柔声线犹如逗小孩般问候婆婆近况，由对答中了解长者身心健康，「啲case派咗就会一直跟，有啲都跟咗十年八年⋯⋯之前其实差唔多每星期都会探文莲，帮佢执药睇吓有冇需要加药。」

新年後不少机构推行在家工作，但中心一类家居照顾服务队伍每日继续上门服务，从未间断。黄姑娘熟练地为婆婆量血压、放好药物，原来二人相识已近十年，「我识佢时应该係佢比较艰难时期，啱啱做完大手术，先生又喺老人院，当时佢好频撲，自己唔舒服又日日去老人院照顾阿伯。」当时婆婆情绪低落身体状况较差，不时「乱谂嘢」，黄姑娘便和社工常去探访，陪婆婆走过这段路，待乌云散退，现时婆婆反而经常倒过来鼓励她。年届九旬的婆婆仍十分精灵，未有疫情前会每日乖乖到公园或日间中心运动，不过，最近已不敢外出。

黄姑娘感叹，疫情持续明显影响长者身心，「例如少咗运动佢哋脚骨力会差咗，可能会唔认得人，又或者成日会惊自己或者仔女有嘢。」2、3月份一罩难求亦常常罩价高企，曾有长者为免被家人发现自己有出过门，甚至不戴口罩偷偷外出，「佢咁样仲令人担心！寻日都有个阿伯，我打电话问佢够唔够口罩，佢话旧嘅仲有几个，点解会有旧嘅？佢话就嚟冇所以用完嘅就摆喺度吹，吹佢一两个星期攞返嚟翻用。」抗疫日子瞬息万变，她惟有频频致电告知长者最新资讯、叮嘱不要重用口罩，亦会派发善长送赠的物资，以免他们活於孤岛。

平时家访除了带备血压计等工具，防疫装备亦属必备，「入屋会换白饭鱼，换风褛，如果案主住喺疫厦或者14日内入过院，会改着雨褛，几热都要着呀，因为买唔到防护衣。」沙士当年在医院前线工作，但今次疫情於社区潜伏，她认为更为严峻，「日日睇新闻，初初单位数、双位数⋯⋯哗！一日50几个，其实都会好惊，好似个个（感染人士）都会喺你身边出现咁。」有抗疫经验，新年前听闻有类似沙士疫症，她已和同事第一时间采购口罩等防疫物资，但波折重重，「撲PPE呀、面罩呀⋯⋯乜都撲晒先，度度都订吓，有时订咗无货，最後订嗰一批话明下星期送货，但係最终都无送到因为要留返畀HA。」

中心仝人「齐心撲罩」，只因有共同目标，「希望可以帮到个社区少少微力，唔好令个疫情喺社区蔓延得咁紧要。」而每日除了健康护理，一顿热饭更是老人家基本需要，根据社会福利署资料，截至去年12月底，全港有约两万个家居照顾服务名额，不少均需要膳食服务。单计中心位於启旺楼地下的厨房，每日送上两餐便要烹调超过500个饭盒。一声「叮噹！」成为不少独居长者近来最期待一刻。

在中心任职十多年的健康助理「韵姐」李诗韵，平时会为长者陪诊、洗澡、做复康运动等等，至今仍要每日送饭上门，虽然中心有专车接送，但要遊走不同住户之间，有时每送一餐便要步行一两个小时。久而久之，她对各长者需要亦十分熟悉，「会因应佢哋身体，有糖尿餐、痛风餐⋯⋯有啲食软餐，有人食糊餐，全部都要分返开。」疫症当前，她深感送饭工作份外重要，「有时你送到见到个阿伯好开心，笑笑口咁好有胃口，但其实如果我哋唔送，就真係无人会拎嘢畀佢食。」

韵姐其实大可退休，但一直守在社区工作前线，「呢排好多长者有情绪问题，始终做咁耐有感情，我哋唔理佢，惊无人理佢哋。」韵姐坦言，现时压力不少，「个个都话你记住踩鞋（消毒），你入屋小心啲呀，咁我哋都会惊我哋带咗菌畀老人家。」但不时上演的惊魂记，她却是轻描淡写，「试过做完先至话嗰座大厦啱啱有人中咗，咁样都冇办法啦，祝自己好运囉，哈哈！」

韵姐和丈夫同住，笑言他很合作，每次一回到家，「佢一听到开门声呢，就会即刻出嚟同我拎晒啲嘢入去消毒，咁我都冲乾净晒先会坐低。」女儿经常致电问候，「成日问今日点啊？我话冇嘢，唔使担心。惊都会惊嘅，但好老实讲自己做呢个社区咁耐，知道出面係点样，尽量都保护到自己，我哋做多一步都唔紧要。」

当医护界多番耳提面命，呼籲巿民避免出外、聚餐，韵姐可谓最佳示範，和女儿自新年後只见过一次面，「唔係唔想见，但大家都出外做嘢，少见面起码你唔会感染到我，我又唔会感染到佢，觉得定啲先再大家一齐食饭。」

黄姑娘亦笑言，现时社区几乎「人人自危」：「即係行出街成日都形住嗰个人係咪带菌呀，每个香港人都有呢个压力，咁都係由自己做起，要先有知识知道病毒点样嚟，另外就增加抵抗力，呢排饮食係检点咗，运动、休息时间多咗。」就读大学的女儿现甚少出街，每日都会提点妈妈工作时小心，曾说笑指，「『妈咪，如果我有一日真係确诊咗，应该係你带菌畀我喇，哈哈。』其实我自己都会⋯⋯屋企人其实好担心我，我哋自己都要做好自己保护。」

派口罩不能多 惊畀人哋笠咗

今年1、2月开始，巿面一罩难求，港人要周围撲口罩，家居照顾服务中心亦不例外。基督教家庭服务中心服务总监（长者照顾） 唐彩莹指，疫情刚开始时其实对上门探访不太担心，最紧张反而是防疫物资短缺问题，「口罩基本上每一日服务都要用，就算唔係疫情，因为咁埋身照顾，保护装备係好必要，我哋净係7间中心，每个月都起码用150盒，『盒』喎，唔係『个』喎。」

她回忆，当时采购物资困难重重，每日望天打卦，「新年之後就冇人订到，落咗货嗰啲佢唔嚟啦，或者畀晒医院，又可能订100盒得20盒到，或者一睇咁薄嘅唔敢用⋯⋯又可能例如越南嘅临上机话唔畀出关。」

她笑言，最近大家学会了不同国家语言的口罩单字，「搵到去秘鲁、俄罗斯牌子都有；仲要搵酒精搓手液、消毒湿纸巾、漂白水，仲要check埋个中心係咪U型管，其实係非常辛苦。」幸好其後找到赞助资金，巿面防疫物品恢复供应，才慢慢放下心头大石，「有啲口罩都派咗出去畀老人家，佢哋都安心啲，但係都唔敢畀太多，惊隔篱邻舍走去笠咗佢。」

坊间渐渐多了巿民关注中心需要，「不时有人会嚟捐物资，可能私人几盒几盒都会好热心拎过嚟捐。」中心社工张惠贤，疫情期间若非紧急便不会家访，会透过打电话记录长者情况，视乎需要转赠防疫包等物资，「依家会尽量打多啲电话问佢哋个复康进度、有咩需要，老实讲佢哋好多时都会问有冇口罩。」

不过，捐助数量始终有限，为减低长者心理压力，唐姑娘指，近来有妈妈级义工出手，捐助自己缝製的布口罩，「好似HK Mask嗰啲，都想老人家有得应急，真係无晒口罩又好想出街买个菠萝包食吓嘅时候，都唔会太过无助。」