媒体报导: 首个环保站落户沙田

2015/04/07

香港人越嚟越重视环保，好多时候都会将汽水罐、玻璃樽等分类，希望循环再用，但回收嘅地方始终唔多，有时都唔知点算好！施政报告早前就宣佈喺全港18区兴建社区环保站，交畀营运团体负责做统筹同联络，向各区屋苑收集认为价值低嘅物料，好似电器、悭电胆同充电池等。

环保署向八方报喜，话全港首个社区环保站喺沙田安平街同安心街交界，改咗名叫「绿在沙田」，已经试运紧，年中全面启用。环保署助理署长黎耀基话，环保站唔等於垃圾站，好似沙田呢个环保站又乾净又靓，除回收废物，仲有教育中心、多用途活动室，甚至可以搞展览。政府经过公开招标後，环保站会由基督教家庭服务中心负责营运。

八方都实地参观过，虽则个站嘅建築工程费要成超过2,000万，但又真係几靓。建築署高级建築师温灼均称，环保站以「竹棚」为设计概念，仲加入垂直绿化，打造成城市绿洲，又将货柜改装为办公室，有啲就拆咗货柜两边，改用玻璃采自然光，电费都用少啲。