媒体报导: 环保站唔係垃圾桶 记住要清洁

2015/05/12

「蓝废纸 、黄铝罐、啡胶樽」，相信细路仔都识听又识做，但如果想回收旧电器、玻璃樽呢?今日起除咗搵「收买佬」帮手，仲多咗个选择啦!

由政府出资二千几万嘅社区环保站「绿在沙田」正式投入服务，除咗喺中心等大家嘅回收物品外，仲会主动出击，每日派出两架资源回收车，轮流去区内79个回收点，收集啲旧电器、充电池、「火牛」、悭电胆、光管同玻璃樽等回收价值较低??!

占地1, 600平方米嘅「绿在沙田」，交咗畀基督教家庭服务中心负责营运。中心话，环保站试run咗3个月，回收咗成5吨玻璃樽，成绩几唔错喎!

但中心提醒大家，唔好当咗环保站係垃圾桶，记住要将啲回收物料清洁好，先拎去回收呀!