媒体报导: 咪浪费！ 年宵剩物等你「领养」

2017/02/10

正所谓用得唔好嘥，社区环保回收站「绿在观塘」下礼拜四（16号）将会举办「年宵剩物转赠」活动，将一啲前排义工喺长沙湾绿色年宵，收集到嘅新净而有用物资，免费畀市民「领养」，齐齐惜物减废！

「绿在观塘」营运机构基督教家庭服务中心负责人透露，物资数量过千，例如有帐篷、枱櫈、玩具、衣物、玩具、花盆、装饰物、卡板等，总有一款啱你所需。除此以外， 「绿在观塘」喺下礼拜六、日仲会搞「Re乜Re物」活动，大家可以捐出自己唔要嘅换季衣物、小型家电、家品、旧书，甚至係过年嘅贺年糖果、利是封，或者以物易物，换自己需要嘅物品。

郑晴提提你， 「绿在观塘」位置喺九龙湾常怡道及启福道交界，即係喺Megabox广场同零碳天地隔篱，千祈唔好去错地方。