Media Coverage: Kwun Tong Community Green Station - Taikungpao

2017/02/10

正所謂用得唔好嘥，社區環保回收站「綠在觀塘」下禮拜四（16號）將會舉辦「年宵剩物轉贈」活動，將一啲前排義工喺長沙灣綠色年宵，收集到嘅新淨而有用物資，免費畀市民「領養」，齊齊惜物減廢！

「綠在觀塘」營運機構基督教家庭服務中心負責人透露，物資數量過千，例如有帳篷、枱櫈、玩具、衣物、玩具、花盆、裝飾物、卡板等，總有一款啱你所需。除此以外， 「綠在觀塘」喺下禮拜六、日仲會搞「Re乜Re物」活動，大家可以捐出自己唔要嘅換季衣物、小型家電、家品、舊書，甚至係過年嘅賀年糖果、利是封，或者以物易物，換自己需要嘅物品。

鄭晴提提你， 「綠在觀塘」位置喺九龍灣常怡道及啟福道交界，即係喺Megabox廣場同零碳天地隔籬，千祈唔好去錯地方。