Media Coverage: Metro Daily - Sha Tin Community Green Station

2015/05/12

「藍廢紙 、黃鋁罐、啡膠樽」，相信細路仔都識聽又識做，但如果想回收舊電器、玻璃樽呢?今日起除咗搵「收買佬」幫手，仲多咗個選擇啦!

由政府出資二千幾萬嘅社區環保站「綠在沙田」正式投入服務，除咗喺中心等大家嘅回收物品外，仲會主動出擊，每日派出兩架資源回收車，輪流去區內79個回收點，收集啲舊電器、充電池、「火牛」、慳電膽、光管同玻璃樽等回收價值較低??!

佔地1, 600平方米嘅「綠在沙田」，交咗畀基督教家庭服務中心負責營運。中心話，環保站試run咗3個月，回收咗成5噸玻璃樽，成績幾唔錯喎!

但中心提醒大家，唔好當咗環保站係垃圾桶，記住要將啲回收物料清潔好，先拎去回收呀!